färit idelle

Färit İdelle: Tıñlawçılar belän sawbullaşu süze

AQŞ İrannı Ğıraqnı butauda ğäyepli

Ğıraqtağı AQŞ komandirı general George Casey , Ğıraqtağı köç qulanuanıñ artında İran tora dip belderde. Anıñ süzlärençä, İran şiğıy radikalların öyrätä häm qorallandıra, alarnı terror aktlarında qullana.

Yukosnı tulısınça Rosneftkä satu planı bar

Yukos Şurası räise Viktor Geraşenko 21-nce iyündä aksionerlarnıñ yıllıq ciılışında, şirkätneñ kiläçägen Vatan Suğışı başlanır aldınnan bulan vazğiät belän çağıştırdı. Ul ber kem dä suğış bulır dip kötmägän ide . Min dä şulay uq Jukos belän närsäneñ bulaçağın äytä almıym dide. Rusiädä 22nçe iyün Natsi Germaniseneñ Sovetlar Berlegenä basıp kerüe belän İkençe Dönya Suğışı başanğan kön dip xisaplana. Geraşenkonıñ bu çığışı häm Yukosnıñ xäle turında İnternational Herald Tribun gazetasında basılıp çıqqan maqälä.

Buş Venada Yevropa Berlege citäkçeläre belän oçraştı. Urtaq häm bäxäsle mäsälär tikşerelde.

AQŞ prezidentı Buş Yevropa Berlege citäkçeläre belän söyläşülär öçen Venağa kilde. Summitta ike yaq ta ireklek häm demokratiäne nığıtu kebek xezmättäşlek itü mäsäläsendä problemmalar bulmağan mäsälälärne tikşerdelär. Läkin, söyläşülärdä Yevropa Berlege belän AQŞ arasaında tirän ayırmalıqlar bulğan mäsälälär, mäsälän Guantanama Baydege totıqlar lagerınıñ yazmışı da quzğatıldı.

Törkmänstan keşe xoquqları aktivistların häm çit il keşelären süz berläşterüdä ğäyepläde

Törkmänistannıñ İminlek Xezmätkärläre ilne totrıqsızlandırunı maqsät itep quyğan oppozitsion süz berläşterüne faş itkän buluların belderdelär. Milli İminlek Minitsre Geldımuxammed Aşirmuxammedov Düşämbedä televideniädä yasağan çığışında süz berläşterüdä çit il keşeläre häm diplomatlar da qatnaşqan dip belderde.

BMOnıñ yaña Keşe xoquqları Şurası üzeneñ eşen başladı

BMOnıñ general sekretarı Kofi Annan bügen BMOnıñ yaña Keşe xoquqları Şurasın ant itterde. Jenevada bulıp alğan tantanada 100-dän artıq ildän ministerlär hm ölkän väkillär qatnaştı.

“Azatlıq” radiosı iğtibar üzägendä

Ğıraqtağı baş terrorçı dip xisaplanğan Äl Zarqawi üterelde

Ğıraq premiere Nuri al-Maliki Ğıraqtağı Al-Qaeda citäkçese Abu Musab Al-Zarqavi ülde dip iğlan itte. Ul Zarqawi 7-nçe iyündä kiçke säğätlärdä Bagdatnıñ Tönyağında , AQŞ-Ğıraq xärbi operatsiäse näticäsendä üterelde dip belderde.

AQŞ İrannıñ berençe reaksiäsenä uñay bäyä birde

Sişämbedä BMO İminlek Şurasınıñ biş daimi ağzasınıñ häm Germaniäneñ qatnaşı beäln äzerlängän täqdim Teheranda İran xakimiätlärenä tapşırıldı. Bu täqdim İrannıñ atom energiäse programmasınıñ qayber aspektların tuqtatuı, ğadi itep äytkändä atom qoralı eşläp çığarmauı öçen yasaldı. İran räsmiläreneñ bu täqdimne citdi tikşerergä väğdä itülären Washington uñay işarä dip bäyäläde.

AQŞ Däwlät Departamentınıñ keşe säwdäse turındağı yıllıq xisabı

AQŞ Kongressınıñ kürsätmäsenä esasän, Dävlät Departamentı dönyada keşe sävdäsenä qarağan yıllıq xisabın Düşämbedä iğlan itte. Bu yulı şuşı xisapnıñ iñ yaman öçençe bülegenä öç yaña il, İran , Süriä häm Üzbäkstan kertelgän. Annan başqa şuşı isemlektä tağı da 9 il, şul sanda AQŞ berektäşe Säğud Ğäräbstan da tora.

Rusiä Yevropa Berlegenä qarata qatıraq pozitsiä aldı.

Rusiä Yevropa Berlege belän mönäsäbätlärendä qatıraq pozitsiä ala. Mäskäv Yevropa Şurasınıñ nävbättäge räise häm Zur-8lär törkeme prezidentı buluınnan faydalana. Tabiği çığanaqların basım çarası itep qullana.

Rusiä baş prokurorı urnınnan çitlätelde

Rusiä Parlamentınıñ Yuğarı Palatası , Federatsiä Şurası baş prokuror Vladimer Ustinovnıñ vazıyfasınnan çigenü üteneçen qänğätländerde. Prezident Putin bu urınğa anıñ namzätlegen 2000-nçe yılda täqdim itkän ide. Ustinov üze kitärgä teläde dip belderelsä dä, anıñ bu xaqta prezident Putin Rusiädä korrupsiägä qarşı köräşneñ torışın tänqitlägäç bäyan itüe diqqätne cälep itä.

BMO komitetı AQŞnıñ terrorğa qarşı köräş metodların tikşerä

BMO 2001-nçe yılnıñ 11-nçe Sintäberendä bulğan terrordan soñ Washingtonnıñ terrorğa qarşı köräş çaraların tikşerä başladı. BMOnıñ Jenevadağı Cäberläv buyınça komitetı AQŞ räsmilärenä törle mäsälälärdä, şul sanda totıqlarğa möğämälä häm cäberlävgä nindi añlatma birelä digän soraular quya.

"Çiklär tanımağan Jurnalistlar" jurnalist Şmakovnıñ Ufada qulğa alınuın tänqit itte

Putin neft ütkärgeçen Bayqal külennän yıraqta ütkärergä quştı

Rusiä prezidentı Putin Çärşämbe könne Seberne Rusiäneñ Tın Okeanına totaştıraçaq nefteütkärgeçe Baykal Külennän yırağıraqta ütärgä tieş dip kötelmägän belderü belän çıqtı. Belgeçlär häm ekologistlar nefte taralğan xäldä külgä daimi zian kilüe mömkin dip kisätep kilälär. Radiobız xäbärçese Greenpeace aktivistı häm Transneftneñ vise-prezidentı belän Putin belderüe nindi näticälärgä kiteräçäk digän mäsälädä söyläşte.

Belarusta oppozitsiä citäkçeläre qulğa alındı, qısqa möddätle törmä cazalarına xökem itelde

Belorus oppozitsiä citäkçese Aleksander Milinkeviç Aprilneñ 26-nda prezident Lukaşenkanı ike yıl eçendä xakimiättän çitlätüne maqsät itep quyuın belderde. Milinkeviç bu xaqta Çernobıyl häläkätenä 20 yıl tulu uñayınan Minskta ütkärelgän häm meñärlägän keşe qatnaşqa ciında beldergän ide. Bügen ul häm başqa qayber oppozitsiä citäkçeläre qulğa alındı.

Çernobıl reaktorınnan äle dä qurqınıç yanıy<br><a href="http://dcyh5l5lgidpq.cloudfront.net/specials/gallery/Chornobyl/gallery.html"><img src="http://d1tkokdcb6my2h.cloudfront.net/B6DDBAAA-7AA5-4AEC-B95E-8747CB25DBAD.jpg" alt="[Chornobyl]" border="0" height="65" vspace="5" width="200"></a><br><a href="http://dcyh5l5lgidpq.cloudfront.net/specials/gallery/Chornobyl/gallery.html"></a>

Çernobıyl häläkätenä 20 yıl tulır aldınnan ğına AQŞ häm Ukrain räsmiläre atom stansiäsennän äle dä qurqınıç kilä digän näticägä kildelär. Yevropada İminlek häm Xezmättäşlek buyınça AQŞ komissiäsendä ütkärelgän tıñlaularda amerikan räsmise Stefan Rademeyker häm Ukrainanıñ AQŞtağı ilçese Oleh Şamsur Sarkofagnıñ ışanıçlılığına şik belderdelär.

Misırnıñ Dahab şähärçegendä bombalar şartladı

Misırnıñ Qızıl Dingez yarındağı Dahab şähärçegendä ber ük vaqıtta diärlek öç urında bomba şartladı. İn kimendä 23 keşe hälak buldı dip belderelä. Cirle häm çit il turistları yal itkän bu uınğa höcüm Osama bin Ladenneñ audio tasması televideniädä tapşırılğannan soñ ber kön uzğaç buldı.

Bin Ladenneñ yaña audio tasması

Al Jazeera televideniäse Osama bin Ladenneñ dip belderelgän audio tasma tapşırdı. Al Qaeda citäkçese Sudannıñ Darfur regionındağı krizis häm Hamasnı xalıqara izolätsiägä kertüe Könbatışnıñ İslamğa qarşı suğış alıp baruın kürsätä dip beldergän.

Çeçen separatist xärbi citäkçeläre häm kisätälär häm qıyınlıqlar turında söylilär

Ozaqqa suzılğan qıştan soñ, Çeçnäneñ bäysezlek taraftarı ike xärbi citäkçeseneñ bu atnada belderüläre iğlan itelde. Şamil Basayev suğışnı böten Kafkazğa çäyelderü belän yañadan kisätte. Separatistlarnıñ visi-prezidentı Dokku Umarov Çeçnäneñ ireklegen väğdä itte häm Rusiädän tınıçlıq soralmayaçaq dip belderde. Läkin, berük vaqıtta alarnıñ ikese dä xäräkättä problemmalarnıñ buluın da iqrar itte.